Lơm lu wŏt pơčrông sai amăng hơdôm mông jơnum hlâo anun, truh ră anai ăt dŏ lu tơlơi pơmĭn phara jum dar tơlơi pơkă mă glăi prăk ha wŏt, mah khul čih pơkra hơmâo tŭ mă tơlơi pơgôp, pơplih pơkra hơdôm tơhnal hơmâo ba tơbiă hlâo anun. Tui črăn tơlơi phiăn hră pơhlôm nua mơnuih mơnam (čih pơkra glăi) mơ-it nao Khua pơ ala mơnuih ƀôn sang dêh čar tal anai, tơlơi gal kiăng mă glăi ha wŏt hăng ƀing mơnuih aka ƀu nô̆p djop 20 thun hră pơhlôm nua mơnuih mơnam amra tui 2 hơdră, tal sa lĕ mơnuih mă bruă hơmâo pơčlah jing 2 grup.

Anun lĕ ƀing mơnuih yua hră pơhlôm nua mơnuih mơnam dong mơng hrơi tơlơi phiăn anai dưi mă yua ngă tui, ƀu dưi mă glăi prăk ha wŏt. Tal dua: ƀing mơnuih mă bruă dưi mă glăi prăk ha bơnah samơ̆ ƀu rơgao 50% thun blan nô̆p prăk amăng keh prăk pơdơi lơtret ƀudah djai ba.