Pơhiăp amăng mông pok phun tal jơnum, Khua git gai wai lăng pơ ala mơnuih ƀôn sang dêh čar ơi Vương Đình Huệ, brơi thâo, hluai tui tơlơi rơkâo ječ mơng bôh nik, hluai tui tơlơi pơkă mơng Phiah phiăn, Tơlơi phiăn Pơphun bruă Khua pơ ala mơnuih ƀôn sang hăng Tơlơi pơkă ngă tui tal jơnum Khua pơ ala mơnuih ƀôn sang, amăng tal jơnum anai amra pel ĕp, pơsit sa dua mơta tơlơi prong, yôm phăn hăng ječ kah hăng: Pơkă kual đơ đam dêh čar rơwang 2021-2030, tơhnal lăng truh thun 2050; rơwang bruă Tơlơi phiăn Pel ĕp, pơjrao tơlơi ruă (pơplih pơkra); klah čun, pơsit bruă ngă tui hơdôm hơdră bruă pha ra kơ bruă pơgang, pơgăn Covid-19 pơkă amăng Tơlơi pơtrun pơsit mrô 30 mơng Khua pơ ala mơnuih ƀôn sang; gah tơlơi prăk kak, ngăn drăp kơnuk kơna.

Biă ñu, amăng tal jơnum ƀu hmâo pơkă hlâo lok 2 anai, Khua pơ ala mơnuih ƀôn sang amra pel ĕp, brơi pơdơi bruă hăng khua pơ ala mơnuih ƀôn sang hăng sa dua čô Khua pơ ala mơnuih ƀôn sang hăng pel ĕp, pơsit bruă brơi pơdơi bruă, ruah sa dua ding kơna apăn bruă amăng Gong gai dêh čar./.