Khua tơhan krên dên ơi Tô Lâm lăng yôm hơdôm boh tơhnal mơ̆ 2 boh tơring čar Dak Lak hăng Dak Nông dưi ngă laih thun blan rơgao. Bruă mă man pơdong Ping gah hơmâo lu tơlơi pơblih hiam klă, ngă djơ̆ tơhnal pơkă man pơdong hăng wai pơgang lŏn ia amăng rơnuk phrâo; akŏ pơjing tơdron blah amăng pran jua mơnuih ƀôn sang lir hơbit  pơgang rơnuk rơnua dêh čar dưi hơđong, kơtưn djă bong kjăp tơlơi rơnuk rơnua kơ mơnuih mơnam, pơgang dêh čar, guai dêh čar mơak klă.

Khua tơhan krên dên ơi Tô Lâm pơtrun hiăp 2 boh tơring čar Dak Nông hăng Dak Lak kiăng đing nao kơ bruă gum pơgôp abih bang djop djuai ania, lir hơbit hăng djă pioh laih anun pơđĭ kyar gru grua hiam đưm djop djuai ania, pơjing atur kjăp kơ bruă wai pơgang lŏn ia amăng rơnuk phrâo.