Pơhiăp amăng mông mă bruă, Kơ-iăng Khua git gai Ping gah tơring čar Bạc Liêu yă Lê Thị Ái Nam brơi thâo, Grŭp apăn bruă Ping gah tơring čar lăng ba na nao bruă mă mơng Khul mơnuih ngă đang hmua, biă ñu hơdôm mơta bruă prăp lui kơ Jơnum Khul mơnuih ngă đang hmua hơdôm gưl. Khua tơring čar hmâo črâo ba laih Khul mơnuih ngă đang hmua tơring čar gum hrom Gơnong bruă đang hmua hăng pơđĭ kyar ƀôn lan tơring čar pơphun Jơnum pơsit hơdôm hơdră ngă pioh pơsit hơdră klă hloh, pha ra hloh kơ mơnuih ngă đang hmua Bạc Liêu.

Klah čun amăng mông mă bruă, Kơ-iăng Khua Khul mơnuih ngă đang hmua Việt Nam Cao Xuân Thu Vân pơsit yôm bruă prăp lui ăt kah hăng pơphun Jơnum Khul mơnuih ngă đang hmua hơdôm gưl mơng tơring čar Bạc Liêu, hrom hăng anun rơkâo tơring čar khom đing nao mơnuih mă bruă, biă ñu Grŭp apăn bruă Ping gah tơring čar Bạc Liêu amăng rơwang bruă phrâo ƀu djơ̆ kơnong kơ hmâo tơlơi pơmin, pran gơgrong kơjăp gah bruă kơđi čar ôh mơ̆ khom hmâo bôh thâo hăng hơdră thâo pơđĭ kyar bơwih ƀong./.