Akô̆ bơyan hơjan thun anai, ƀơi tơring čar Dak Nông hmâo laih hơdôm tal hơjan sui ngă ia ling dăo kor, lŏn tơhroh ƀơi lu kual klung hŭp. Gơgrong hlâo pơgang ayuh hyiăng ƀu klă ngă, Jơnum min mơnuih ƀôn sang tơring čar Dak Nông hmâo črâo ba hơdôm gơnong bruă, anom bruă, tơring glông, plơi prong pel ĕp, pơhrua nao hơdôm jơlan gah pơsir tơlơi rơđah rơđông, biă ñu ƀơi hơdôm anih anom juăt hmâo tơlơi truh ia ling dăo, lŏn tơhlom, tơhroh...

Hơdôm anih anom hrŏ trun ƀiă bruă jơnum hăng bruă pok pơhai jơnum lăng nao rai mơ̆ng ataih truh pơ̆ gưl să, kơtưn lăi pơhing pơđĭ dlông tơlơi pơmin gơgrong hlâo pơgang pơgăn ayuh hyiăng ƀu klă ngă truh mơnuih ƀôn sang ƀu lui raih ƀơi anăp hơjan ia ling dăo. Pô hơdôm bôh bơnư̆, ƀirô wai lăng bruă đang hmua hăng hơdôm anih anom khom pel ĕp pơsit tŏng ten pioh pơkra glăi hăng gơgrong hlâo hơdôm bruă 4 jơlan gah hơđăp, ƀu pioh hmâo tơlơi kah mơ̆ng thâo./.