Mơguah lơ 6/3, ƀơi plơi prong jưh jom Vientiane, Khua Khul wai lăng djuai ania Ƀirô khua git gai pơ ala mơnuih ƀon sang Việt Nam Y Thanh Hà Niê Kđăm hơmâo mông ngă bruă hăng Khua Jơnum min Djuai ania ƀirô khua pơ ala mơnuih ƀon sang Lao Khamchan Sotapasuer pơtrut tui tơlơi rô nao rai, ngă hrŏm kơplah wah dua ƀirô khua pơ ala mơnuih ƀon sang amăng thun blan rơgao. Mông ngă bruă anai lăi nao tơlơi rô nao rai ngă hrŏm kơplah wah dua boh dêh čar, dua ƀirô khua pơ ala mơnuih ƀon sang amăng thun blan rơgao.

Pơđut mông ngă bruă, dua bơnah hơmâo kĭ hră ngă hrŏm kơplah Khul wai lăng djuai ania Ƀirô khua pơ ala mơnuih ƀon sang Việt Nam hăng Jơnum min djuai ania Ƀirô khua pơ ala mơnuih ƀon sang dêh čar Lao. Amăng anun, ngă hrŏm kơjăp, bơlăi nao rai tơlơi pơhing, tơlơi rơgơi ngă bruă, tơlơi dưi mơng rim bơnah; bơlăi nao kơ bruă krăp lăng, sem lăng, ngă tui jơlan hơdră pơđĭ kyar bơwih ƀong huă - mơnuih mơnam kual mơnuih ƀon sang djuai ƀiă, kual čư̆ siăng; ngă hrŏm pơphun jơnum djŏ mơta bruă.