Kơ-iăng khua dêh čar ơi Bùi Thanh Sơn pơdah pran jua hok mơ-ak ƀơi anăp kơ hơdôm bruă pơbưp nao rai pơphun dik dak, hăng lu tơlơi ngă hrŏm phrâo hăng akŏ bruă tuh pơ alin ba glăi tơlơi dưi prong glăk pơčrông sai. Kơ-iăng Khua dêh čar rơkâo dua bơnah gir run gum hrŏm pok pơhai, ngă tui hơdôm tơlơi ƀuăn mơ̆ khua mua pơprong hơmâo tŭ ư, pok pơhai hơdră ngă hrŏm djop mơta hăng tañ tŭ yap tơlơi pơkôl ngă hrŏm bơwih ƀong huă djop mơta, pơtrut tơlơi rô nao rai dua bơnah amăng hơdôm bruă bơwih ƀong huă, sĭ mơdrô, tuh pơ alin, ling tơhan, yua boh thâo phrâo, pơplih mrô, pơplih mơtah, ngă hmua, mơnuih mă bruă…

Kơ-iăng Khua mir sir UAE brơi thâo hơmâo git gai hơdôm anom bruă, keh prăk tuh pơ alin UAE pơjing hơdôm akŏ bruă ngă hrŏm amăng lu bruă, amăng anun hơmâo pơkiăo nao Khua ding jum tuh pơ alin UAE nao pơ Việt Nam dong mơng lơ 7-8/2/2025 kiăng pơlăi nao rai hăng tŭ ư amăng hơdôm akŏ bruă, jơlan hơdră ngă hrŏm tong ten pơ anăp anai.