Amăng mông bưp Khua Ding jum pơtom hiăp dêh čar Lao Thongsavanh Phomvihane, dua bơnah tŭ ư gum hrŏm kơjăp dong, djru nao rai tơdruă amăng hơdôm mông bơkơtuai lu bơnah, biă ñu amăng kual ASEAN kơ hơdôm tơlơi bruă mă ƀơi kual, amăng anun hmâo tơlơi Ia Rơsĭ Ngŏ.

Amăng mông bưp Khua Ding jum pơtom hiăp dêh čar Thái Lan Maris Sangiampongsa Kơ-iăng Khua dêh čar, Khua Ding jum pơtom hiăp dêh čar ơi Bùi Thanh Sơn tŭ ư abih bang hăng pơtŏng sit dŏng yua tơlơi pơčeh phrâo tô nao rai tuai čuă ngui amăng kual ASEAN; pơtrut kơtang tô nao rai amăng rơwang ACMECS; hrŏm hăng anun rơkâo Thái Lan ngă gal brơi dong kơ mơnuih Việt Nam ƀơi Thái Lan. Amăng mông bưp Khua Ding jum pơtom hiăp hăng gum hrŏm jar kơmar dêh čar Kur Prak Sokhonn, dua bơnah tŭ ư gum hrŏm kơjăp, ăt kah hăng pơtrut hơdôm ding jum, gơnong bruă pơkon ngă tui ba glăi bôh tơhnal hơdôm hơdră pơkă gum hrŏm dua bơnah hmâo ră anai, pơtrut kơtang gum hrŏm pơtrut gưl dlông, tô nao rai anih anom mă yua, jơlan nao rai, bah amăng guai dêh čar, pơtrut kơtang hloh dong gum hrŏm sĭ mơdrô, kơtưn bơkơtruai mơnuih ƀôn sang, pok prong gum hrŏm tuai čuă ngui./.