Tui hră lăi pơthâo mơng Ding jum prăk kak, tui jŭ yap truh blan 11 thun 2022, CPI đĭ 3,02% pơhmu tui tơđar thun hlâo; prăk kak hrŏ nua đĭ 2,38%. CPI dưm dưm amăng thun 2022 him lăng đĭ mơng 3,1-3,2% pơhmu hăng thun 2021, rơnoh pơhrŏ prăk kak tui hơnong pơkă mơng Ƀirô Khua pơ ala mơnuih ƀon sang dêh čar ba tơbiă…Samơ̆ hrŏm hăng boh than dưi ngă, bruă git gai wai lăng nua sĭ mơdrô ăt dŏ lu anŏ aka ƀu klă amăng pơjing, čih pơgiong hơdră bruă, tơlơi phăn amăng bruă wai lăng nua sĭ mơdrô.

Kơ-iăng khua dêh čar ơi Lê Minh Khái lăi pơtong, kiăng tŏ tui hơmâo hơdră yôm phăn amăng wai lăng nua sĭ mơdrô amăng thun 2023 anun lĕ: kơtưn amăng wai lăng nua sĭ mơdrô amăng bơyan Tết Quý Mão; pơhlôm hơđong nua hơdôm gơnam tam kơnuk kơna wai lăng amăng hơdôm blan akŏ thun kiăng ngă hơđong lơ̆m wai lăng hŭi prăk kak trun nua amăng ha thun; gơgrong hăng hơdeč hmar amăng git gai wai lăng nua sĭ mơdrô thun 2023.