Đĭ pơhiăp amăng mông mă bruă, Kơ-iăng khua dêh čar ơi Lê Minh Khái tŭ yap hăng lăng yôm hơdôm boh than dưi ngă mơng Tây Ninh amăng hrơi blan laih rơgao. Kơ-iăng khua dêh čar ơi Lê Minh Khái rơkâo khua mua tơring čar Tây Ninh sem lăng tong ten tơlơi sit nik kiăng ĕp hơdră pơtrut pơđĭ kyar bơwih ƀong -mơnuih mơnam. Kơ-iăng khua dêh čar rơkâo pơ anăp anai, Tây Ninh kiăng gơgrong kiăo tui tơlơi sit nik, hrưn đĭ bruă đăo lăng hơdôm tơlơi bơbeč bơdjơ̆ nao pơđĭ ƀơi ƀon lan.

Tơring čar kiăng ngă ha amăng plĕ, gum pơgôp kiăng pơsir hĭ hơdôm bruă tui tơlơi glăm ba; ngă tui tŭ yua, ha amăng plĕ hơdôm bruă jao, hơdră pơđĭ kyar bơwih ƀong huă-mơnuih mơnam. Laih dong, Tây Ninh kiăng pơtrut pơplih tuh tia pơkra pơjing, anăp nao pơsir hĭ hơdôm tơnap tap kiăng pơhưč tuh pơ alin, pơđĭ kyar anăp nao jơlan gah hrŏm hăng tŭ mă hơdôm tơlơi dưi, tơlơi gal amăng tơring čar.