Ƀơi mông bưp, Kơ-iăng khua dêh čar ta pơsit, pơgang ayuh hyiăng lŏn adai jing bruă yôm biă mă, kiăng ngă ječ ameč, jing phun atur kơ đĭ kyar hơđong kjăp, jing tơlơi yôm phun pơhlôm rơnuk rơnua kơ ană mơnuih, kơ kơđi čar, hơđong kjăp mơnuih mơnam, hơmâo Ping gah, Kơnuk kơna gum git gai, pơsit jing sa amăng 3 gong tơmeh phun đĭ kyar hơđong kjăp.

Kơ-iăng khua dêh čar ơi Nguyễn Hoà Bình lăi, thun 2025 him lăng amra tơnap lu mơta biă, bruă mă dlăm hloh, glêh hloh, anun jing Anom  bruă tơhan Pôlih pơtrut tui hloh dong tơlơi gơgrong bruă nao hlâo, kơtưn, yak đĭ pơ anăp amăng bruă pok pơhai bruă mă tui tơlơi pơtrun mơ̆ng Ping gah, tơlơi phiăn Kơnuk kơna, hơdôm tơlơi pơtrun, črâo bruă mơ̆ng Kơnuk kơna kơ pơgang ayuh hyiăng lŏn adai.