Amăng mông bưp ƀô̆ mơta, čuă hăng ƀơk gơnam tam Tết kơ 400 bôh sang anô̆ gah hơdră bruă, sang anô̆ ƀun rin hăng mơnuih mă bruă kơ sang măi, mơnuih mă bruă hmâo tơlơi hơdip mơda tơnap, kơ-iăng Khua dêh čar ta tơña bla, hơ-ưč hmưi djop mơnuih, djop sang hmâo sa Tết pơđao pran jua, jơnap, tum djop.

Kơ-iăng Khua dêh čar ta pơtŏng sit, Gong gai dêh čar đing nao pok pơhai ha amăng plĕ hơdôm bruă hrŏ trun ƀun rin kơjăp phik, pơhlôm rơnoh hơdip ƀiă biă mă ñu hăng hơdôm bruă bơwih brơi kơ mơnuih mơnam phun, bơwih brơi klă tơlơi hơdip mơda mơnuih ƀôn sang; djru pơđĭ kyar bruă ngă đang hmua, hơđong tơlơi hơdip mơda sui thun kơ sang anô̆ ƀun rin. Kơ-iăng Khua dêh čar rơkâo hơdôm ding jum, gơnong bruă, tơring čar ƀôn prong pok pơhai dong hơdôm hơdră pơtrun, hơdră bruă hrŏ trun ƀun rin, biă ñu 3 jơlan hơdră pơkă mơ̆ng lŏn ia; djru hrưn đĭ ngă giong ƀiă biă mă ñu năng ai 100.000 bôh sang kơ mơnuih hmâo prăk pơhrui glăi ƀiă, mơnuih mă bruă kơ sang măi amăng thun 2025./.