Kơ-iăng khua dêh čar ơi Trần Hồng Hà git gai jơnum mă tơlơi pơgôp hiăp Tơlơi pơkă kơ duh prăk, djru pơdong plơi phrâo lơ̆m Kơnuk kơna pơhrui glăi lŏn tơnah
Thứ năm, 16:19, 09/05/2024
VOV/Siu H'Mai pơblang
VOV/Siu H'Mai pơblang
VOV4.Jarai - Mơguah tom brơi (8/5), ƀơi Sang bruă Kơnuk kơna, Kơ-iăng khua dêh čar ơi Trần Hồng Hà git gai jơnum mă tơlơi pơgôp hiăp kơ Tơlơi pơkă kơ bruă duh prăk, djru pơdong plơi phrâo lơ̆m Kơnuk kơna mă glăi lŏn tơnah hăng Tơlơi pơkă kơ nua lŏn.
Kơ-iăng khua dêh čar ơi Trần Hồng Hà lăi, Tơlơi phiăn Lŏn tơnah thun 2024 hơmâo lu jơlan hơdră phrâo, laih anun čang rơmang hrŏm mơ̆ng hơdôm boh tơring čar ƀôn prong, anom bơwih ƀong, mơnuih ƀôn sang jing tañ mă yua Tơlơi phiăn lŏn tơnah anai.
Ƀơi mông jơnu, ƀing khua pơgôp hiăp kơ Tơlơi pơtrun pơkă nua lŏn (Tơlơi pơtrun hơmâo 6 črăn, 44 mơta tơlơi), pơƀut kơ bruă pôr pơthâo hlâo lơ̆m ruah lŏn tơnah či pơhmu nao; hơdră jŭ yap prăk ƀong kơmlai mơ̆ng pô tuh pơ alin lơ̆m ngă tui hơdră jŭ yap prăk ƀong lơi; bruă mă yua hơdră jŭ yap pơkă nua lŏn kơ ƀing kiăng pơplih bruă mă yua; ruah anih dưi pơkă nua lŏn; ngă hră pơ-ar, čih pơkra nua lŏn; ngă hră pơ-ar, hơdôm tơlơi pơkă nua lŏn tong ten.
Viết bình luận