Đĭ pơhiăp pơđut mông jơnum, Kơ-iăng khua dêh čar rơkâo Ding jum man pơdong gum hrŏm hăng Ding jum prăk kak, sang bruă prăk kơnuk kơna…kơsem min hơdră jak iâu tuh pơ alin, mă yua klă kiăng pơđĭ kyar sang dŏ mơnuih mơnam brơi kơ djơ̆ hloh, tong ten. Amăng anun ngăn drăp kơnuk kơna lĕ phun, hrŏm hăng prăk gum pơgôp kiăng pơđĭ kyar sang dŏ mơnuih mơnam mơng hơdôm anom bruă tuh pơ alin man pơdong sang sĭ mơdrô hăng hơdôm rơnoh pơkŏn dong, anăm jao brơi kơnong hơdôm sang bruă prăk sĭ mơdrô lơm mut hrŏm brơi čan mă kmlai ƀiă man pơdong sang dŏ mơnuih mơnam.

Tơlơi pơtrun anai kiăng hơmâo thim dong hơdôm tơlơi pơkă tui hơdră sui pơ anăp amăng dưm dăp man pơdong, mă yua lŏn mơnai man pơdong plơi prong, ƀôn lan, yua ngăn drăp kơnuk kơna hrŏm hăng hơdôm rơnoh prăk pơkŏn brơi hơdôm akŏ bruă man pơdong sang dŏ mơnuih mơnam.