Ƀơi mông jơnum, khua mua djop ding jum, anom bruă hơmâo pơčrông sai, pơblang rơđah phun ñu hơmâo tơlơi dŏ kơƀah, gun gan amăng kơčăo bruă BOT yua pơblih ngă tui hơdôm tơlơi aka ƀu găl, tơlơi tơnap tap mơ̆ng BOT yua tơlơi phiăn hăng tơlơi pơhing ngă tui sit nik; tơlơi pơkă tui hăng tơlơi phiăn pơtrun lĕ pơsir hơdôm kơčăo bruă kah hăng tơlơi glăm ba hơdôm bơnah hơmâo kĭ pơkôl mă bruă.

Klah čun ƀơi mông jơnum, Kơ-iăng khua dêh čar ơi Trần Hồng Hà rơkâo Ding jum jơlan glông hăng pơdŭ pơgiăng tañ ngă pơgiong hĭ hră lăi pơthâo, pơblang tong ten tơlơi ngă gun, kơƀah mơ̆ng 8 kơčăo bruă BOT, ăt kah hăng hơdôm kơčăo bruă BOT jơlan glông pok pơhai ngă tui hlâo kơ tơlơi phiăn Tuh pơ alin tui hăng bơnah ngă hrŏm kơnuk kơna hăng mơnuih ƀôn sang pơčruh dưi ngă tui. Amăng anun, khom pơčrâo rơđah phun ñu mơ̆ng pơpă hơmâo anŏ gun, yua hơgĕt gleh tơnap, lơ̆m pơblih phrâo, ngă pơgiong jơlan hơdră, tơlơi phiăn kơnuk kơna pơtrun rim rơwang bruă, pô glăm ba mơ̆ng hơdôm bơnah pơdjơ̆ nao....