Kơ-iăng Khua dêh čar ơi Trần Hồng Hà tŭ jum khua mua Japan
Thứ bảy, 10:00, 04/03/2023
VOV/Siu Đoan Pơblang
VOV/Siu Đoan Pơblang
VOV4.Jarai-Kơ-iăng Khua dêh čar ơi Trần Hồng Hà hơmâo mông bưp Khua pơ ala mơnuih ƀon sang gơnong yŭ Hosoda Hiroyuki, bưp Khua khul pơlir Khua pơ ala mơnuih ƀon sang giang mah Japan - Việt Nam Nikai Toshihiro hăng bưp Khua ding jum bơwih ƀong, sĭ mơdrô hăng tuh tia pơkra pơjing Nishimura Yasutoshi hăng sa, dua čô khua mua Ping gah Dân chủ.
Tlam lơ 3/3, nao jơnum khua ding jum kơ bruă tơbiă asăp dŏ 0 kual Asia ƀơi Tokyo, Japan. Amăng mông bưp Khua pơ ala mơnuih ƀon sang gơnong yŭ, Kơ-iăng Khua dêh čar ơi Trần Hồng Hà lăng yôm bruă pơđĭ kyar klă amăng djop mơta mơng tơlơi rô nao rai ngă hrŏm Việt Nam - Japan; rơkâo Khua pơ ala mơnuih ƀon sang gơnong yŭ ơi Hosoda dong yua bruă kơtưn pơbưp nao rai khua mua hăng djop gưl kơplah wah dua Kơnuk kơna, ƀing khua mua dŏ hlăk ai dua bơnah; pơtrut Kơnuk kơna Japan djru brơi Việt Nam amăng pơđĭ kyar anih anom yôm phăn, pơđĭ kyar mơnuih mă bruă, pơplih mă yua apui lơtrik phrâo kah hăng kơtưn ngă hrŏm amăng bruă kơsem min, pơplih mă yua boh thâo phrâo hăng pơgôp pơđĭ kyar hơđong kjăp.
Viết bình luận