Thun 2022, đơ đam dêh čar ta hơmâo rơbêh 600 wơ̆t ngă soh glăi tơlơi rơnuk rơnua đĭ rơdêh por, đĭ tui 400 wơ̆t pơkă hăng thun 2021; mrô tuai arăng hơngah ƀu brơi mut rai amăng dêh čar lu biă mă; boh nik ñu hơmâo 2 wơ̆t arăng pơhŭi ngă pơrung pơrăng (prung prăng). Khă hnun, tơlơi ngă soh glăi pơgang rơnuk rơnua đĭ rơdêh por aka ƀu pơsir hmao kru ôh, samơ̆ huăi ba truh tơlơi rung răng prong lơi, truh rơnuk rơnua kơ bruă  đĭ rơdêh por pơgiăng tuai.

Klah čun ƀơi mông jơnum, Kơ-iăng khua dêh čar ơi Trần Lưu Quang lăi rơđah, pơtong sit bruă pơgang rơnuk rơnua lĕ khut khăt, kiăng hơđong đĭ rơdêh por jing bruă mă kơđi čar yôm mrô sa. Yua kơ anun, djop ding jum, anom bruă, tơring čar, ƀôn prong khom gir run pơđĭ tui boh tŭ yua amăng bruă wai pơgang, lăng tui bruă rơnuk rơnua hơđong. Laih dơ̆ng ngă tui sa amăng plĕ hơdră kiăng pơgang tơlơi rơnuk rơnua tong ten, pơgăn tơlơi ngă pirat prung prăng ring bruă gah anom bruă rơdêh por dêh čar.