Đĭ pơhiăp git gai mông mă bruă, Kơ-iăng Khua dêh čar ơi Trần Lưu Quang mơ-it tơlơi pơpŭ thun phrâo hiam klă hloh kơ abih bang khua mua, mơnuih apăn bruă, mơnuih mă bruă amăng Ding jum pơtom hiăp; pơsit tong gơnong bruă pơtom hiăp hơmâo gru grua hing ang, anom bruă akŏ phun amăng pơjing hăng wai pơgang lŏn ia.

Kơ-iăng khua dêh čar lăi pơtong, Ding jum pơtom hiăp kiăng tŏ tui gru grua pơtom hiăp hing ang hăng hơdôm tơlơi dưi, kiăo tui jơlan hơdră pơtom hiăp mơng Jơnum Ping gah tal XIII hăng tơlơi git gai mơng Khua git gai Ping gah dêh čar ơi Nguyễn Phú Trọng amăng Jơnum bruă pơtom hiăp đơ đam dêh čar thun 2021, ngă tui pran kơtang, ba jơlan hlâo pok pơhai ha amăng plĕ, tŭ yua hơdôm bruă pơtom hiăp, pơdah kơdrưh ang hăng tơlơi đăo gơnang mơng lŏn ia lĕ bruă jao yôm phun mơng gơnong bruă pơtom hiăp.