Pơhiăp amăng mông jơnum gưl dlông, Kơ-iăng Khua dêh čar ta ơi Trần Lưu Quang pơtŏng sit, Tơlơi lăi pơtŏng Tơlơi dưi ană mơnuih rŏng lŏn tơnah hăng Tơlơi lăi pơtŏng hăng Jơlan hơdră ngă bruă Vienna kơ tơlơi dưi ană mơnuih lĕ hơdôm rơwang bruă kơjăp pioh jar kơmar gum hrom kơtưn thâo hăng ngă tui kiăng pơtrut hăng pơgang hơdôm tơlơi dưi ană mơnuih hăng hmâo laih hơdôm bôh than yôm phăn rơgao lu thun hăng anai.

Kơ-iăng Khua dêh čar ta ơi Trần Lưu Quang pơtŏng sit, jơlan gah mơng Việt Nam gum hrom Khul wai lăng tơlơi dưi ană mơnuih lĕ: “Pơpŭ hăng thâo hluh. Bơkơtuai hăng gum hrom. Abih bang hơdôm tơlơi dưi ană mơnuih kơ abih bang djop mơnuih”. Kơ-iăng Khua dêh čar lăi rơđah, kiăng đing nao ngă tui Jơlan hơdră bruă mă thun 2023 yua kơ tơlơi pơđĭ kyar kơjăp mơng Sang gum hơbit djop dêh čar hăng hơdôm tơlơi pơkôl kơ ngă juăt hăng pơplih ayuh hyiăng./.