Kơ-iăng khua dêh čar ơi Vũ Đức Đam git gai jơnum Khul git gai djop anom bruă gơnong glông kơ bruă pơhlôm mơnong ƀong huă hơdjă
Thứ tư, 10:20, 28/12/2022
VOV/Siu Đoan Pơblang
VOV/Siu Đoan Pơblang
VOV4.Jarai - Lơ 27/12, Kơ-iăng Khua dêh čar ơi Vũ Đức Đam git gai jơnum Khul git gai djop anom bruă gơnong glông kơ bruă pơhlôm mơnong ƀong huă hơdjă.
Hră lăi pơthâo mơng Ding jum ia jrao brơi ƀuh, thun 2022, tơlơi phiăn gah pơhlôm mơnong ƀong huă hơdjă tŏ tui pơgiong; bruă pơtô pơblang tŏ tui pơtut kơtang; hơdôm anih anom bơwih ƀong ăt ngă tui klă mơn. Samơ̆, mơng tal hơduah ĕp ăt dŏ ƀuh hơdôm pluh rơbâo anih anom ngă soh, hơmâo pơsir hĭ rơbêh 7.600 anih, hăng abih tih prăk phak rơbêh 75 klai prăk.
Đĭ pơhiăp pơđut mông jơnum, Kơ-iăng khua dêh čar ơi Vũ Đức Đam rơkâo Ding jum ia jrao tŏ tui kơtưn amăng bruă pel ĕp, ƀơi hơdôm boh sang čơ, gơnam mơtah mơda, ƀu ƀuh hơdôm gơnam ƀâo brŭ ôh, bruă pơlir hơbit amăng pơčrang lăng kiăng tañ ƀuh hơdôm gơnam ƀu pơhlôm hơdjă kiăng pơhŭi tañ hloh.
Viết bình luận