Amăng mông tŭ jum, Kơ-iăng Khua dêh čar Trần Hồng Hà brơi thâo hăng bruă gum hrom Tơlơi pơkôl pơplih apui yua dưm kơnar (JETP), Việt Nam čang rơmang dưi čơkă mă tơlơi gum lăi, djru gum hơdră mă yua măi mok mơng hơdôm bơnah jar kơmar lom pok pơhai Tơlơi pơkôl JETP kơ: Jơlan gah pơdŏng hơdôm anom apui yua pơkra glăi apui pơkĕ hăng jua angin ƀơi ia rơsĭ, jơlan pơđoh apui hơdeč hmar hăng prăk mă yua lăp djơ̆ hăng prăk pơhrui glăi mơng mơnuih ƀôn sang Việt Nam; hơdră bruă prăk kak mơtah, pơtrut tañ pơplih apui yua, pơplih mơtah kah hăng tơlơi pơkôl.

Tui hăng Kơ-iăng Khua dêh čar Trần Hồng Hà tơlơi yôm phăn hloh ră anai lĕ kiăng hmâo mơtăm hơdôm yak nao, hơdră pơkă ngă tui tơlơi pơmin, tơlơi pơkôl amăng JETP kơ djru gum gah hơdră phrâo, prăk kak, wai lăng... brơi hơdôm rơwang bruă pơplih apui yua, ƀu kah pha dêh čar đĭ kyar hăng glăk đĭ kyar ôh./.