Amăng mông mă bruă, Kơ-iăng Khua dêh čar ta ơi Trần Lưu Quang pơsit yôm Jơnum min djuai ania hmâo pơphô brơi laih kơ Kơnuk kơna, Khua dêh čar pel ĕp glăi, pơplih pơkra pơhrua nao ngă giong hơdôm hơdrôm hră tơlơi phiăn bơdjơ̆ nao bruă djuai ania.

Truh mông anai, mơng hơdră pơtrun, jơlan gah mơng Ping gah, Kơnuk kơna hmâo pơplih laih hơdră bruă, tơlơi phiăn bơdjơ̆ nao bruă djuai ania kah hăng abih bang hơdôm bruă amăng tơlơi hơdip neh wa djuai ania ƀiă. Khă hnun hai, bruă ngă tui jơlan hơdră pơkă mơng lŏn ia dô̆ kaih, ba truh mrô pơsir prăk kơ jơlan hơdră pơkă mơng lŏn ia kaih phrâo hmâo mă rơbêh kơ 43%. Gah Tơlơi rơkâo đĭ mơng Jơnum min djuai ania wai lăng, Kơ-iăng Khua dêh čar rơkâo Jơnum min tañ lăi pơthâo kiăng Khua dêh čar pel ĕp kĭ mă yua hlâo kơ lơ 15/2./.