Ƀơi Puih kơđông pơgang guai dêh čar Phước Diêm, Kơ-iăng Khua dêh čar ta mơ-ĭt tơlơi hơ-ư̆č hmưi mơ-ak klă hiăm hloh truh hăng mơnuih apăn bruă tơhan, ling tơhan glăk dô̆ mă bruă. Kơ-iăng Khua dêh čar ta Trần Lưu Quang rơkâo mơnuih apăn bruă tơhan, ling tơhan gir run dong, ngă tui hloh dong hơdôm bôh tơhnal, bôh than dưi ngă; “Kiăo tui mơnuih ƀôn sang, giăm mơnuih ƀôn sang, kiăo tui plơi pla”, pơgang kơjăp pô lŏn ia, rơnuk rơnua guai ia rơsĭ.

Nao čuă Amĭ Việt Nam Sông kơtang Lê Thị Hự, dô̆ ƀơi să Cà Ná, tơring glông Thuận Nam, Kơ-iăng Khua dêh čar tơña bla tơlơi suaih pral hăng tơlơi hơdip mơda rim hrơi mơng ñu, čang rơmang ñu suaih pral na nao, gum hrom ană tơčô čơkă Tết mơ-ak rơnuk rơnua, tum jơngum, yâu mơ-ak. Kiăo tui anun Kơ-iăng Khua dêh čar ta hmâo nao čuă, ƀơk gơnam tam Tết kơ 200 čô mơnuih mă bruă kơ sang bruă, mơnuih mă ruă hmâo tơlơi hơdip tơnap ƀơi Sang bruă pơčruh prăk hrom bơwih ƀong Cánh Đồng Việt, plơi prong Phan Rang./.