Grŭp Sunny dêh čar Khač juăt pơkra gơnam bơdjơ̆ nao telephone, măi mok cảm ứng hăng măi mok pơgang rơnuk rơnua. Amăng mông tŭ jum, Kơ-iăng Khua dêh čar Trần Lưu Quang pơtŏng sit, Grŭp Sunny ruah tuh pơplai pơ̆ Thái Nguyên lĕ tơlơi pơsit djơ̆ yua kơ anai lĕ tơring čar hmâo lu tơlơi găn rơgao amăng tơlơi tŭ mă hơdôm rơwang bruă hơdră măi mok phrâo yôm.

Kơ-iăng Khua dêh čar Trần Lưu Quang čang rơmang Grŭp tuh pơplai rơwang hơdră phrâo măi mok ƀơi Việt Nam lăi hrom hăng Thái Nguyên lăi ha jăn kiăng pơjing glông bruă mơng Sunny ƀơi Việt Nam. Tŭ jum Grŭp bơkơtuai pơtrut bơih ƀong Kyushu Japan, Kơ-iăng Khua dêh čar Trần Lưu Quang hơ-ư̆č hmưi grŭp hmâo mă yua anom lăi pơhư̆č Kyushu ƀơi Hà Nội, anai amra lĕ glông tô ba glăi bôh tŭ yua pơđĭ kyar hơdră gum hrom mơng kual Kyushu hăng Việt Nam. Gah gum hrom pơtô juăt mơnuih mă bruă, Kơ-iăng Khua dêh čar Trần Lưu Quang brơi thâo, mơnuih Việt Nam juăt triăng, thâo gir run, yua anun gum hrom amăng bruă bơwih brơi kơ mơnuih ruă lĕ klă biă./.