Kơ-iăng Khua dêh čar Trần Lưu Quang tŭ jum Khua sang anih jưh pơ ala dêh čar Khač ƀơi Việt Nam
Thứ năm, 10:15, 09/02/2023
VOV/Siu Đoan Pơblang
VOV/Siu Đoan Pơblang
VOV4.Jarai-Mơguah lơ 8/2 ƀơi Ƀirô Kơnuk kơna, Kơ-iăng Khua dêh čar ơi Trần Lưu Quang, Khua jơnum min git gai ngă hrŏm kơplah wah Việt Nam - Khač hơmâo mông mă bruă hăng Khua anih jưh pơ ala dêh čar Khač ƀơi Việt Nam Hùng Ba.
Amăng mông pơbưp hur har mơ-ak, Kơ-iăng Khua dêh čar ơi Trần Lưu Quang hơmâo hrŏm hăng Khua anih jưh Hùng Ba lăng glăi hơdôm tơlơi dưi amăng tơlơi rô nao rai ngă hrŏm yôm phăn djop mơta Việt Nam - Khač thun 2022 hăng ngă dơlăm tui hơdôm hơdră pơtrut rô nao rai dua bơnah pơ anăp dong.
Kơ-iăng Khua dêh čar ơi Trần Lưu Quang čang rơmang dua bơnah tŏ tui pơtrut kơtang bruă pơbưp khua mua pơprong, pơphun klă jơnum tal 15 Jơnum min git gai ngă hrŏm dua bơnah Việt Nam - Khač, hơdôm bruă pơbưp nao rai, pơlăi nao rai kơplah wah Ping gah hăng djop ding jum, gơnong bruă, anom bruă, khul grup, gong gai ƀon lan dua bơnah. Rơkâo, dua boh dêh čar tŏ tui pơđĭ kyar sĭ mơdrô tui jơlan gah bơkơnar, hơđong kjăp.
Viết bình luận