47 thun rơgao, tŏ tui hăng djă kjăp gru grua mơ̆ng khul ling tơhan Trường Sơn, Binh đoàn 12-anom bruă čơƀeng kual Trung krah ƀơi tơring čar Quảng Bình hơmâo ngă klă bruă hyu hrip toh mă min, boh ƀôm aka pơtuh mơ̆ng rơnuk blah ngă pioh glăi, phrâo pok prong bruă mă pơkra ming sĭ mơdrô. Anom bruă hơmâo ngă hrom hăng pơgiong klă ring bruă čuk pơkra jơlan, bơnư̆ kong ia djop tơring amăng dêh čar djơ̆ hrơi blan pơkă, tŭ yua, hơđong.

Ƀơi mông mă bruă, Kơ-iăng khua git gai pơ ala mơnuih ƀôn sang dêh čar, ơi Trần Quang Phương rơkâo ƀing khua mua, ling tơhan Binh đoàn 12 pơsit djop bruă mă kơđi čar mơ̆ anom bruă ping gah ling tơhan dêh čar jao, ngă rah bruă pơkra pơjing gơnam sĭ mơdrô, pơtô hrăm rah bruă tơhan blah ngă. Ră anai, Ping gah, kơnuk kơna, mơnuih ƀôn sang đăo kơnang biă mă jao kơ Binh đoàn 12 ngă tui hơdôm ring bruă pơprong amăng dêh čar. Kơ-iăng khua git gai pơ ala mơnuih ƀôn sang dêh čar pơtrun hiăp kơ Binh đoàn 12 khom ngă giong hăng kơnong khom ngă giong klă, ƀu lui hơmâo tơlơi soh glăi pơpă ôh. Lơ̆m mă bruă khom abih pran jua đing nao boh tŭ yua kjăp mơ̆ng ring bruă, khom jŭ yap ngă hiư̆m pă đing nao rơnoh yôm anŏ kjăp hơđong.