Kơ-iăng khua git gai pơ ala mơnuih ƀôn sang dêh čar yă Nguyễn Thị Thanh lăi pơthâo hơdôm tơlơi lông lăng hăng tơlơi ngă hrŏm ƀơi jar kmar đah mơ̆ng dưi pơsir hĭ hơdôm bruă tơnap ƀơi rŏng lŏn tơnah ră anai, pơsit Việt Nam dong yua biă hăng tơlơi pơmin ngă hrŏm lu bơnah, amăng anun hơmâo tơlơi gơgrong bruă phun mơ̆ng Sang gum hơbit djŏp dêh čar amăng bruă git gai ƀơi rŏng lŏn tơnah.

Amăng hrơi mông Sang gum hơbit djŏp dêh čar hăng Việt Nam gum ngă lơphet 80 thun akŏ pơdong hăng rơngai lŏn ia amăng thun 2025, Kơ-iăng khua git gai pơ ala mơnuih ƀôn sang ba tơbiă hơdră kiăng pơđĭ tui tơlơi ngă hrŏm kơplah wah dua bơnah ăt kah hăng pơtruh nao rai tơlơi ngă hrŏm mơ̆ng anom bruă pơ ala mơnuih ƀôn sang đah mơ̆ng hơmâo tơlơi ngă hrŏm kjăp hloh kơplah wah Ƀirô khua pơ ala mơnuih ƀôn sang dêh čar Việt Nam hăng hơdôm bruă mă prong mơ̆ng sang gum hơbit djŏp dêh čar; rơkâo kiăng ngă gêh gal brơi kiăng hơmâo lu mơnuih ƀôn sang Việt Nam, amăng anun hơmâo đah kơmơi, mut ngă bruă pơ hơdôm anom bruă Sang gum hơbit djŏp dêh čar./.