Kơ-iăng Khua mir sir dêh čar ta yă Võ Thị Ánh Xuân, Kơ-iăng Khua tal sa Khul wai lăng bruă pơplông – apah pri bơni dêh čar ta nao pơhmư̆ mông jơnum hơdor glăi. Amăng 15 thun rơgao, Phun akha sang bruă apui lơtrik ia jâu hyuh Việt Nam ƀu pơdơi pơđĭ kyar prong kơtang hăng jing anom pơkra rai apui lơptrik prong tal 2 ƀơi Việt Nam, tơdơi kơ Grŭp apui lơtrik Việt Nam. Truh ră anai, Phun akha sang bruă apui lơtrik ia jâu hyuh Việt Nam hmâo laih 7 bôh sang măi apui lơtrik hăng abih bang jua kơtang hmâo 4 rơbâo 209 MW.

Rơnoh abih bang kông ngăn đĭ 12 wot, hmâo 56 rơbâo 502 klai prăk bơhmu hăng 4 rơbâo 779 klai prăk amăng thun pơdŏng thun 2007. Amăng mông ngă lơphet, pơ ala kơ khua git gai Ping gah, Kơnuk kơna, Kơ-iăng Khua mir sir dêh čar ta ƀơk Miđai mă bruă dăp tal 2 kơ Phun akha sang bruă apui lơtrik ia jâu hyuh Việt Nam hmâo laih bôh than prong amăng bruă mă mơng thun 2017 truh thun 2021, djru bruă pơdŏng kơnuk kơna djop mơnuih dưm kơnar hăng pơgang lŏn ia./.