Kơ-iăng Khua mir sir dêh čar ta yă Võ Thị Ánh Xuân nao pơhmư̆ hăng pơhiăp amăng mông bưp. Pơhiăp amăng mông bưp ƀô̆ mơta, pơ ala kơ Ping gah, Kơnuk kơna hăng mơnuih ƀôn sang Việt Nam, Kơ-iăng Khua mir sir dêh čar ta yă Võ Thị Ánh Xuân lăi rơđah, thun 2023 hmâo bôh tŭ yua yôm phăn hăng Việt Nam, jing thun pok phun amăng bruă ngă tui kơčăo bruă pơđĭ kyar bơwih ƀong – mơnuih mơnam 5 thun 2021-2025.

Việt Nam đing nao dong bruă wai lăng ba glăi bôh tơhnal klin ruă, djă kơjăp hơđong bơwih ƀong prong, pơtrut pơđĭ kyar. Pơtrut kơtang pơplih phrâo ayuh hyiăng. Kơ-iăng Khua mir sir dêh čar ta đăo gơnang lĕ, hăng phun than rô nao rai klă hiam amăng lu thun rơgao, hơdôm ƀirô pơ ala kơ bruă pơtom hiăp, hơdôm khul grŭp jar kơmar hăng hơdôm khul mơnuih ƀôn sang dêh čar tač rơngiao amra gum hrom kơjăp dong hăng Việt Nam, yua kơ tơlơi pơđĭ kyar kơjăp phik, pơdrong asah, yâu mơ-ak mơng Việt Nam, ăt kah hăng mơng abih bang hơdôm bôh dêh čar, djuai ania ƀơi rŏng lŏn tơnah./