Kơ-iăng Khua mir sir ơi Võ Thị Ánh Xuân nao ngă lơphet hăng jao pri yôm phăn anai. Pơ ala brơi khua mua Ping gah, Kơnuk kơna, Kơ-iăng Khua mir sir yă Võ Thị Ánh Xuân pơpŭ bơni hăng hơdor tơnga hơdôm tơlơi gum pơgôp, tơlơi dưi, tuh rơyuh pran jua prong prin mơng djop rơnuk đah kơmơi Quân khu V amăng rơnuk blah wang, kah amăng rơnuk pơjing hăng wai pơgang lŏn ia.

Pri tơhan sông kơtang lĕ tơlơi tŭ yap, pơpŭ bơni mơng Ping gah, Kơnuk kơna hăng mơnuih ƀon sang, anai lĕ tơlơi pơ-ư ang pran prin brơi djop rơnuk đah kơmơi Quân khu V, hăng ƀing mơnuih glăk dŏ hơdip kah hăng rơngiă laih. Kơ-iăng Khua mir sir yă Võ Thị Ánh Xuân lăi pơtong, anai lĕ tơlơi pơ-ư ang, tơlơi pơtrut pơsur prong prin hăng ƀing đah kơmơi Việt Nam lăi hrŏm hăng ƀing apăn bruă, ding kơna djop gưl Khul đah kơmơi hnun mơn.