Đĭ pơhiăp amăng mông bưp, Kơ-iăng Khua mir sir yă Võ Thị Ánh Xuân lăi pơtong, Việt Nam lêng kơ lăng yôm bruă hơkrŭ hăng kơtưn tơlơi rô nao rai bơkơnar, ngă hrŏm ba glăi tơlơi dưi hrŏm dua bơnah, hơdôm khul grup jar kmar, amăng anun hơmâo hơdôm boh dêh čar, khul grup jar kmar mơ̆ ƀing khua sang anih jưh, ƀing khua pơ ala hơdôm khul grup jar kmar lĕ ƀing pơ ala brơi.

Ƀrô tal anai, pơ ala brơi Kơnuk kơna hăng mơnuih ƀon sang Việt Nam, Kơ-iăng Khua mir sir mơ-it tơlơi pơpŭ bơni abih pran jua kơ Kơnuk kơna hăng mơnuih ƀon sang djop dêh čar, djop khul grup jar kmar hơmâo dong yua, ngă hrŏm hăng djru brơi Việt Nam amăng hrơi blan laih rơgao. Laih dong čang rơmang tŏ tui pơtrut tơlơi rô nao rai ngă hrŏm hăng djop dêh čar, djop khul grup jai hrơi dơlăm tui, sit nik, tŭ yua amăng djop mơta bruă. Pơ ala brơi ƀing đah kơmơi ngă Khua anih jưh, khua pơ ala brơi Khul grup jar kmar ƀơi Việt Nam, yă Samina Naz, Khua sang anih jưh pơ ala dêh čar Bangladesh ƀơi Việt Nam brơi thâo, jao tơlơi dưi brơi đah kơmơi hăng ƀing čơđai lĕ tơlơi gơgrong hrŏm. Hrơi jar kmar pơpŭ đah kơmơi lĕ hrơi mông kiăng hơdôm boh dêh čar lăng glăi hơdôm tơlơi ƀuăn añai, kah hăng hơdôm tơlơi dưi, tơlơi lông pơ anăp dong.