Yap truh lơ 20/2/2025 đơ đam tơring čar Kon Tum hơmâo ruh pơkra glăk 627 boh sang tơ̆i, sang dŏ jang jai, amăng anun man pơdong phrâo 508 boh sang hăng pơkra ming 119 boh sang. Yua anun pơhmu hăng rơwang hrơi tơjuh hlâo anun hơmâo dong 105 boh sang anŏ ƀơi tơring čar Kon Tum hơmâo ruh pơkra glăi sang tơ̆i, sang dŏ jang jai. sit biă ñu hơdôm boh tơring glông amăng rơwang hrơi tơjuh hơmâo ruh pơkra glăi lu sang tơ̆i, sang dŏ jang jai, hơmâo tơring glông Đăk Glei 38 boh sang hăng tơring glông Đăk Hà 31 boh sang. Tơlơi lăi pơthâo mơng Khul git gai ruh pơkra glăi sang tơ̆i, sang dŏ jang jai Ping gah tơring čar Kon Tum brơi ƀuh, đơ đam tơring čar hơmâo 2.752 boh sang tơ̆i, sang dŏ jang jai, amăng anun mrô sang kiăng man pơdong phrâo lĕ 2.186 boh sang hăng pơkra ming 566 boh sang.

Tlâo boh tơring glông amăng tơring čar Kon Tum hơmâo mrô sang tơ̆i, sang dŏ jang jai kiăng man pơdong phrâo, pơkra ming hơmâo Đăk Glei 646 boh sang, Kon Plông 572 boh sang hăng Tu Mơ Rông 423 boh sang. Kiăng pơtrut tañ bruă ruh pơkra glăi sang tơ̆i, sang dŏ jang jai tui tơlơi črâo trun mơng Kơnuk kơna, tơring čar Kon Tum hơmâo jak iâu pơgôp mơng khul grup, ƀing mơnuih amăng tơring čar hăng gah rơngiao, laih dong mă yua hrŏm ngăn rơnoh mơng Jơlan hơdră, akŏ bruă kiăng djru brơi mơnuih ƀôn sang ruh pơkra glăi sang tơ̆i, sang dŏ jang jai.