Tui lăi pơthâo, thun 2024 hơmâo rơbêh 20.500 tơlơi pơhing phrâo, tơlơi čih mơng hơdôm anom mă tơlơi pơhing čih lăi nao tơring čar Kon Tum. Hrŏm hăng tơlơi pơhing djop mơta, lăp djơ̆ hơdôm tơlơi, anom mă tơlơi pơhing ăt tañ ĕp ƀuh, lăi pơthâo hơdôm anŏ aka ƀu klă, tơlơi tơnap tap mơng sa, dua boh ƀon lan, anih anom amăng tơring čar. Anai lĕ anom pôr pơhing yôm phăn djru brơi kơ bruă git gai, wai lăng mơng tơring čar Kon Tum jai hrơi klă ƀiă, tŭ yua.

Đĭ pơhiăp amăng mông jơnum, ơi U Huấn, kơ-iăng khua git gai Ping gah tơring čar Kon Tum čang rơmang: thun 2025, anom mă tơlơi pơhing hơmâo pơgôp yôm phăn amăng bruă pôr pơhing tơlơi git gai, wai lăng mơng djop gưl, gơnong bruă, Jơnum Ping gah djop gưl rơwang thun 2025-2030, pơtrut pơsur abih bang Ping gah, mơnuih ƀôn sang, ling tơhan gum tơngan hrŏm, ha pran gir run ngă tui truh kih bruă dưm dăp, hơbot anih anom mă bruă. Ƀrô tal anai Khul pơphun jao pri Búa Liềm Vàng Ping gah tơring čar Kon Tum jao 35 pri, amăng anun hơmâo 8 pri B; 12 pri C hăng 15 pri pơsur pran brơi ƀing čih tơlơi pơhing, hơdôm grup čih tơlơi pơhing mă pri  čih tơlơi pơhing pơjing Ping gah mơng Ping gah tơring čar Kon Tum tal IV thun 2024.