Tơring čar Kon Tum pơđut laih bruă mă mơ̆ng 7 ping gah, grup hlăk ai; 3 Anom bruă khua git gai Ping gah hăng pơđut bruă mă mơ̆ng Ping gah djŏp anom bruă kơnuk kơna hăng anom bơwih ƀong tơring čar či akŏ pơdong Ping gah djŏp anom bruă Ping gah yua Ping gah tơring čar hăng Ping gah Jơnum min mơnuih ƀôn sang tơring čar wai lăng phun. Hăng hơdôm gơnong bruă, anom bruă, mơ̆ng 20 anom bruă gah Jơnum min mơnuih ƀôn sang tơring čar, tơring čar Kon Tum pơmut hrŏm dŏ glăi 14 đôč, amăng anun hơmâo akŏ pơdong phrâo Gơnong bruă Djuai ania hăng Tơlơi đăo. Tơring čar pơmut hrŏm Hră pơhing Kon Tum hăng Gong phun pôr pơhing pơdah rup tơring čar hơmâo anăn phrâo jing Anom bruă Pôr pơhing tơring čar Kon Tum.

Rơngiao kơ anun dong, dăp glăi mơ̆ng 16 Khul hơmâo Kơnuk kơna jao bruă dŏ glăi 10 Khul. Gưl tơring glông, hrŏm hăng pơmut Anom pơtô bruă Ping gah hăng Anom iâu pơthưr pơtô ba mơnuih ƀôn sang, hơdôm anom gơgrong sa mơta bruă amăng Jơnum min mơnuih ƀôn sang tơring glông hơmâo dăp glăi mơ̆ng 13 jing dŏ glăi 11 anih đôč.