Tơdơi kơ hơmâo Khua dêh čar ơi Phạm Minh Chính kĭ tơlơi pơtrun tŭ yap plơi prong Kon Tum lĕ plơi prong gưl II amăng tơring čar Kon Tum amăng lơ 10/1 laih rơgao, Jơnum min mơnuih ƀon sang plơi prong Kon Tum hơmâo pok pơhai lu akŏ bruă tong ten kiăng pơgiong, ngă tui kjăp hơdôm hơnong pơkă hăng lăng ia krông Đăk Bla lĕ akŏ phun kiăng pơđĭ kyar plơi prong. Kiăng pơphlôm hơdôm hơnong pơkă kơ mrô mơnuih amăng plơi prong, Kon Tum hơmâo pơtrut kơtang bruă pơhưč tuh pơ alin, pok pơhai hơdôm akŏ bruă, hơkrŭ kjăp kiăng pơjing hơdôm kual tuh tia pơkra pơjing kiăng pơhưč lu mơnuih mă bruă, Hrŏm hăng anun amra đing nao tuh pơ alin man pơkra anih anom, jơlan glông kiăng kơ dưi pơkuh nao rai 4 arăng jơlan wer jum dar plơi prong.

Kiăng dưi tŭ yap plơi prong gưl II amăng blan 1 laih rơgao, plơi prong Kon Tum, tơring čar Kon Tum hơmâo đing nao tuh pơ alin man pơkra anih anom, jơlan glông amăng plơi prong hăng ngă ha amăng plĕ hơdôm hơdră pơtrut kơtang pơđĭ kyar bơwih ƀong huă-mơnuih mơnam. Bruă plơi prong Kon Tum tŭ yap lĕ plơi prong gưl II amăng tơring čar lĕ tơlơi pơtrut kiăng plơi prong pơđĭ kyar tañ hloh.