Bruă ngă anai dưi pơphun dŏ amăng bruă lăi pơthâo pôr pơhưč grugrua hiam đưm phara mơ̆ng mơnuih ƀôn sang djuai ƀiă dŏ amăng tơring čar Kon Tum lăi pha hăng kual Dap Kơdư hnun mơ̆n. Rơwang hrơi tơjuh gru grua-tuai čuă ngui Măng Đen thun 2022 hơmâo lu bruă mă, kah hăng: Pơdă prưng rup, gơnam gru grua đưm kual Dap Kơdư; Atông čing-suang arap, pơdah pĕ gông atông brô̆ đưm djuai ania;

Pơdah tơlơi adoh suang; anih ngui ngor mơñum trà đăo; prưng pơdă, lăi pơthâo gơnam sĭ mơdrô phara hăng mơnong ƀong huă hmư̆ hing; djă pioh hăng rŭ glăi pơdjuai lu mơta pơjeh bơnga tai man amăng glai him laih; Hyu ĕp lăng bơnga Anh Đào hăng pơđut sa rơwang hrơi tơjuh Gru grua-Tuai čuă ngui Măng Đen thun 2022 lĕ, Hơdră adoh suang čơkă thun phrâo 2023 hăng akŏ ñu “Kon Plong hrơi phrâo” pơphun amăng mlam lơ 31/12/2022.