Anai lĕ tơlơi lăi pơtong mơ̆ng khul khua mua apăn bruă phun ping gah tơring čar Kon Tum ƀơi mông jơnum pơtong glăi 3 thun ngă tui hră klah čun mrô 1 mơ̆ng Ding jum kơđi čar brơi pơtrut bruă hrăm hăng hla tui tơlơi pơmin, pran jua, tơlơi hơdip Hồ Chí Minh, pơphun mơguah lơ 14/5, ƀơi plơi prong Kon Tum.

Klâo thun rơgao, rơbêh 84.000 wơ̆t khua mua, mơnuih apăn bruă ping gah ƀơi Kon Tum hrăm hăng pơtô glăi ngă tui boh yôm phun mơ̆ng Hră klah čun mrô 01 hăng tơlơi pơčrâo ba hrăm, hla tui tơlơi pơmin, pran jua, tơlơi hơdip Hồ Chí Minh ƀơi tơring čar. Ơi Lê Quang Thới, Kơ-iăng Khua anom pơtô bruă ping gah tơring čar Kon Tum, brơi thâo, tơring čar hơmâo čih dăp hơdră akŏ bruă “Hrăm hăng hla tui tơlơi pơmin, pran jua, tơlơi hơdip Hồ Chí Minh kiăng hur har, tong ten, ngă bruă djru hrŏm akŏ pơdong Kon Tum dưi pơđĭ kyar hmar hăng hơđong kjăp”.