Kontum: Hlăk ai ba jơlan hlâo pơplih mrô amăng Blan Hlăk ai thun 2023
Thứ tư, 07:00, 01/03/2023
VOV Tây Nguyên/Siu H' Prăk pơblang
VOV Tây Nguyên/Siu H' Prăk pơblang
VOV4.Jarai – Mơguah lơ 28/2, ƀơi tơring kual Sa Thầy, tơring glông Sa Thầy, Grŭp apăn bruă Khul hlăk ai tơring čar Kontum pơphun ngă Lơphet pok phun Blan Hlăk ai thun 2023 nao hrom hăng klah čun Jơlan hơdră Gum djru bơyan puih 2022 hăng Bơyan bơnga gum djru 2023 hăng tơlơi gum hrom mơng rơbêh kơ 500 mơnuih gah khul hlăk ai, tơdăm dra.
Hăng anăn ñu: “Hlăk ai ba jơlan hlâo pơplih mrô”, Blan Hlăk ai thun anai dưi hmâo Grŭp apăn bruă Khul hlăk ai tơring čar Kontum pơphun mơng lơ 1/3 truh kơ 31/3/2023 hăng hơdôm bôh yôm: Kơtưn pơplih mrô ha amăng plĕ amăng abih bang mơta bruă Khul;
Ngă tui bruă mơng hlăk ai amăng pơplih mrô; Mă yua bôh thâo phrâo mrô amăng tơlơi hơdip mơda hăng pơđĭ tui bôh thâo mrô kơ tơdăm ngek dra muai, čơđai muai; Ngă tui bruă ba jơlan hlâo, gum djru, bruă pơčeh phrâo mơng hlăk ai amăng gum hrom ngă tui ring bruă, črăn bruă djru ngă giong bruă kơđi čar, bruă jao gah pô mă hăng gum hrom pơđĭ kyar bơwih ƀong – mơnuih mơnam ƀơi plơi pla, anom bruă./.
Viết bình luận