Pơhiăp amăng mông ngă lơphet pơpŭ mơnuih brơi drah gum djru lu thun 2022, yă Y Ngọc, Kơ-iăng Khua Jơnum min mơnuih ƀôn sang tơring čar Kontum, Khua Grŭp črâo ba bruă pơsur brơi drah gum djru pơtŏng sit, bruă brơi drah gum djru mơng tơring čar amăng hơdôm thun rơgao hmâo djru yôm phăn biă amăng bruă bơwih brơi tơlơi suaih pral mơnuih ƀôn sang.

Kơnong thun 2022, tơring čar Kontum hmâo pơphun 34 tal brơi drah gum djru, čơkă mă rơbêh kơ 6.800 anung drah, hmâo rơbêh kơ 136% tơhnal jao mơng Grŭp črâo ba pơsur brơi drah gum djru dêh čar ta. Amăng mông ngă Lơphet pơpŭ mơnuih brơi drah lu thun 2022, Grŭp črâo ba pơsur brơi drah gum djru tơring čar Kontum hmâo brơi Hnal ia kông pơpŭ brơi 136 čô mơnuih hăng 11 bôh sang anô̆ hmâo tơhnal prong amăng bruă brơi drah gum djru; brơi Hră bơni kơ 22 čô mơnuih hăng 20 grŭp... hmâo bôh than prong amăng brơi drah gum djru./.