Anai lĕ kơnuih hơkrŭ glăi bruă pơsit akă djơ̆, kiăng pơhlôm pơgang anăn păn sâm yôm lŏn ia ta Ngọc Linh. Kiăo tui anun, Jơnum min mơnuih ƀôn sang tơring glông Tu Mrông pơsit lui hĭ Hră pơsit bruă pla hăng mă yua sâm hmâo pơsit brơi Sang bruă sĭ mơdrô tơpai sâm Ngọc Linh amăng lơ 30/5/2022. Bôh than lĕ bôh yôm pơsit akă djơ̆ bôh nik.

Ơi Võ Trung Mạnh, Khua Jơnum min mơnuih ƀôn sang tơring glông Tu Mrông brơi thâo, Kơ-iăng Khua jơnum min ƀơi anăp kĭ Hră pơsit hmâo lăi pơthâo glăi pơblang hăng pơsir kơđi tơlơi gơgrong. Bruă Jơnum min mơnuih ƀôn sang tơring glông Tu Mrông pơhrui glăi, lui hĭ hră pơsit ƀu djơ̆ bôh nik bruă pla Sâm Ngọc Linh mơng sa anom bơwih ƀong amăng tơring glông pơkra rah tơlơi ngă soh hăng ăt lĕ bruă ngă kiăng pioh pơhlôm anăn păn sâm Ngọc Linh, pơgang mơnuih blơi yua./.