Anai lĕ bruă jơnum blung a thun 2023 gah pơlir hơbit jơlan hơdră “Jơnum pơtrut sĭ mơdrô hăng hơdôm mơta bruă sĭ mơdrô Việt Nam pơ̆ dêh čar tač rơngiao” dưi hmâo Ding jum sĭ mơdrô ngă tui rim blan yap mơng blan 7/2022. Bruă jơnum hmâo ngă pơhư̆č rơbêh kơ 500 čô mơnuih pơ ala mơng hơdôm bôh ƀirô gah Ding jum sĭ mơdrô, abih bang glông bruă sĭ mơdrô, Anom bruă sĭ mơdrô Việt Nam pơ̆ dêh čar arăng, hơdôm Anom bruă pơtrut sĭ mơdrô mơng Việt Nam pơ̆ dêh čar arăng, hơdôm Gong bruă sĭ mơdrô, Gơnong bruă đang hmua hăng pơđĭ kyar ƀôn lan, Khul sĭ mơdrô gơnam tam gum hrom.

Amăng mông jơnum, Khua Ding jum sĭ mơdrô rơkâo hơdôm Anom bruă sĭ mơdrô hăng ƀirô mă bruă anai bơdjơ̆ nao ngă tui klă hloh dong bruă pơtrut sĭ mơdrô, pơđĭ kyar bruă ba hyu sĭ gơnam pơ̆ dêh čar arăng, gum hrom hơdôm bôh tơring čar, ƀôn prong, Khul hăng anom bơwih ƀong ngă tui anăn bruă git gai mơng Kơnuk kơna hmâo pơsit kơ thun 2023: “Gum hrom hơbit, ngă tui tơpă, thâo pơplih tañ, pơplih phrâo pơčeh phrâo, hmao tlôn tŭ yua”./.