Amăng mông jơnum, khua mua Anom wai lăng sĭ mơdrô hơdôm tơring čar lăng yôm, pơčrông sai kơ bruă wai lăng sĭ mơdrô amăng thun 2022 hăng him lăng anŏ amra ƀuh hlâo, amăng bơyan ƀong tết hăng tơdơi hrơi čơkă thun phrâo Qúy Mão 2023, sit biă ñu hơdôm bruă bơdjơ̆ nao ia săng, ia jâo, gơnam yua amăng bơyan Tết anai, bruă pơkra gơnam ča čot, ngă soh amăng bruă sĭ mơdrô tui plang điện tử. 

Đĭ pơhiăp amăng mông jơnum, ơi Trần Hưũ Linh, Khua anom bruă wai lăng sĭ mơdrô lăi pơtong, thun anai dua čơkă Tết Dương Lịch hăng Nguyên Đán jê̆ giăm, mơnuih kiăng blơi lu gơnam biă mă amăng hơdôm hrơi pơ anăp anai. Yua anun, bruă wai lăng sĭ mơdrô amăng hơdôm boh tơring čar hơmâo kơtưn đĭ kjăp hloh, pơsir hĭ hơdôm bruă ngă soh amăng sĭ mơdrô, đing nao pel ĕp, pơsir hĭ hơdôm khul grup, mơnuih hluai tui hơdôm tơlơi kiăng amăng bơyan ƀong tết mơ̆ đĭ nua sĭ mơdrô. Tơlơi anai amra ngă glêh tơnap, sit biă ñu hăng hơdôm gơnam juăt yua lu hloh amăng hơdôm hrơi ƀong tết Qúy Mão 2023 anai.