Amăng 2 kơčăo bruă jơlan rơdêh đuăi hmar Tân Phú-Bảo Lộc ataih 66 km, rơnoh prăk tuh pơ alin abih tih 17.200 klai prăk. Tŏ tui kơčăo bruă anai lĕ jơlan rơdêh đuăi hmar Bảo Lộc-Liên Khương, ataih 74 km, rơnoh prăk tuh pơ alin abih tih 19.521 klai prăk. Tui hăng ơi Ngô Văn Ninh, Khua anom bruă, khua pơtruh hiăp kơ Jơnum min mơnuih ƀôn sang tơring čar Lâm Đồng, 2 arăt jơlan rơdêh đuăi hmar anai jing jơlan phun yôm biă mă, pơtruh nao rai, pơdŭ pơgiăng gơnam sĭ mơdrô mơ̆ng Lâm Đồng nao pơ hơdôm tơring čar gah dơnung.

Laih čuk pơkra jơlan anai, amra jing pran kơtang pơtrut pơđĭ kyar bơwih ƀong huă mơnuih mơnam. Ră anai, tơring čar hlăk pơtrut bruă ngă hră pơ-ar tui tơlơi phiăn pơkă, pok pơhai anih pong gai hlă ling, pioh čuk dăo pơklaih ala, duh glăi gơnam mơnuih ƀôn sang tañ ba 2 kơčăo bruă anai pơphun čuk pơkra ƀrô djơ̆ hrơi ngă lơphet prong dêh čar lơ 2/9 pơ anăp.