![VOV Tây Nguyên/Siu Đoan Pơblang](/themes/custom/vov_4/images/avatar.png)
Amăng anun, hơdôm anih anom bơwih brơi tuai čuă ngui amăng tơring čar hơmâo pơkra ming brơi kơ hiam ƀiă dong gơnam bơwih brơi tuai čuă ngui. Hrŏm hăng anun pơhlôm brơi tơlơi bơwih bơwang, gơnong bruă tuai čuă ngui tơring čar Lâm Đồng ăt pơphun jơlan hơdră “hrơi mah”, “mông mah”, pơhưč lu anih anom, anom bơwih ƀong sĭ mơdrô amăng tơring čar ngă tui hăng pok pơhai hơdôm anŏ pơsur anun lĕ hrŏ nua sang jưh tuai, wĕ mut hyu čuă lăng, ƀơk brơi gơnam, dưi hyu čuă ngui soh sel ƀơi sa, dua bit anih…kiăng pơhưč tuai čuă ngui.
![Lâm Đồng čang rơmang čơkă 9,7 klăk wŏt tuai amăng thun 2024](https://vov4-media.solidtech.vn/sites/default/files/styles/large/public/2024-05/lam_dong_trien_khai_chuong_trinh_khuyen_mai_thu_hut_khach_du_lich_5_20240523195422_4.jpg)
Amăng rơwang hrơi tơjuh yôm bơwih brơi tuai čuă ngui tơring čar Lâm Đồng thun anai hăng anăn “Lâm Đồng-Anih čuă ngui hơmâo bơnga hăng tơlơi adôh suang”, anai lĕ hrơi ngui pok blung brơi tal pơphun bơwih brơi tuai čuă ngui amăng bơyan pơdơi prong thun 2024. Yua anun, rơngiao kơ pơhlôm klă gơnam bơwih brơi tuai, bruă wai lăng mơng gong gai amăng djop mơta bruă ăt glăk hơmâo hơdôm anih anom bơdjơ̆ nao amăng tơring čar pok pơhai ječ ameč.
Viết bình luận