Truh mông anai, rơnoh prăk tuh pơ alin kơ bruă ba tuai hyu ngui ĕp lăng đang hmua tơring čar Lâm Đồng năng ai 377 klai prăk, amăng đơ đam đang hmua 300 ha. Amăng anun, hơmâo 212 ha lŏn ngă hmua, 9 ha lŏn man pơdong, dŏ glăi đơ đam lŏn mă yua pơkŏn. Jơnum anai lăi pơtong, Lâm Đồng khom mă yua tơlơi gêh găl, anŏ hơmâo baih hlâo hăng bruă ngă hmua pioh mă yua ba glăi boh tơhnal klă pơjing rai gơnam sĭ mơdrô tuai hyu ngui, djru mơnuih ngă hmua dưi pơhrui prăk kăk, pơsir bruă mă hăng pôr pơthâo gơnam mơ̆ng đang hmua tơring čar anai.

Samơ̆, amăng bruă pok pơhai ngă tui dŏ lu tơlơi aka ƀu gêh găl hăng kơƀah kiăng tañ pơsir mơtam kah hăng ngă kaih pơsir hră pơar, hơdôm tơlơi pơkă man pơdong, pơkă hnong yua lŏn, mrô ring bruă pơdong đĭ hơmâo bơbung sang, pơgang lŏn ngă hmua, pơblih lŏn ngă hmua yua kơ bruă pơkŏn…..ăt dŏ bưp lu tơlơi sư̆ rơbư̆, aka sa hnong pok pơhai ôh, aka ƀu hơmâo bơ tŭ ư sa pran jua lơ̆m pok pơhai ngă tui.