Hrŏm hăng rơbêh 350 sang sĭ kơphê bơwih brơi mơnuih ƀon sang hăng ƀing tuai đôč đač amăng hrơi Jơnum ngui kơphê Buôn Ma Thuột tal 8 thun 2023, ƀơi jơlan Phan Đình Giót, phương Tân Thành, plơi prong Buôn Ma thuột amra hơmâo lu bruă ngă hiam kơ bruă pơkra kơphê mơng đang hmua truh pơ mơnuih blơi yua.

Mơng lơ 10 truh lơ 14/3, lơm nao nao pơ jơlan Phan Đình Giót, phường Tân Thành, plơi prong Buôn Ma Thuột hrŏm hăng bruă mơñum kơphê brơi đôč yua 4 anom bruă djru brơi anun lĕ: Kông ti pơčruh ngăn Grup bơwih ƀong Trung Nguyên, Kông ti TNHH sa ding kơna blơi sĭ gơnam hăng čar rơngiao 2-9 (Simexco Dak Lăk), Kông ti TNHH King Coffee hăng Kông ti TNHH bơwih brơi bruă pôr pơhing jơnum ngui Pro (anăn kơphê Ama Coffee) gum ngă, ƀing tuai dưi mut hrŏm pel ĕp sem lăng gru grua ngă kơphê, pơkra kơphê. Amăng anun, lăp đing nao lĕ lu črăn bruă “Simexco Coffee tour” pơpŭ kơ mơnuih pla kơphê hăng lăi pơthâo bruă pơkra kơphê mơng đang hmua truh pơ tơngan mơnuih blơi.