Glông jơlan anăp nao “Điện Biên Phủ - Tơlơi čang rơmang kơ lŏn ia” yua kơ Khul hlăk ai rơnuk Hồ Chí Minh dêh čar ta pơphun amra pok phun mơ̆ng hrơi anai lơ 24/4 truh lơ 27/4 hăng hơdôm bruă mă hyu čuă jơmư, brơi gơnam tam, hơdor tơngia hơdôm bôh sang anô̆ ling tơhan hơđăp Điện Biên, sang anô̆ djru ngă hơkrŭ đưm hăng ngă hơkrŭ, Amĭ Việt Nam Sông kơtang, tuĭ ñang hơdor kơ ƀing ling tơhan sông kơtang pơsăn drơi.

Mơguah anai, ƀơi gru grua Gŏng kut khăn gru Hà Nội, pơphun ngă Lơphet anăp nao “Điện Biên Phủ - Tơlơi čang rơmang lŏn ia”. Amăng jơlan anăp nao, 3 bruă pơphun ƀơi hơdôm tơring čar, ƀôn prong hăng khul tơhan ƀơi plơi prong Điện Biên Phủ, tơring čar Điện Biên amăng lơ 26/4 pơ̆ anăp. Hăng rim anih anom găn rơgao, ƀing pơ ala gum hrŏm anăp nao amra hyu čuă, tuĭ ñang ƀơi hơdôm kual djă pioh gru grua; čuă, brơi gơnam tam kơ hơdôm bôh sang anô̆ djru ngă hơkruă đưm hăng ngă hơkrŭ, sang anô̆ gah hơdră bruă; mă yua, jao ƀơk hơdôm ring bruă hlăk ai kơ hơdôm sang anô̆, čơđai sang hră hmâo tơlơi hơdip tơnap. Abih bang ngăn rơnoh djru tơring čar Điện Biên hăng hơdôm anih anom amăng rơwang anăp nao lĕ rơbêh kơ 7 klai 600 klăk prăk./.