Đơ đam să Čư̆ Drăm hmâo 47 ektar lŏn mơ̆ng 137 bôh sang anô̆ gah kual khom mă yua pơkra jơlan đuăi hmar. Yap truh abih blan 4 phrâo rơgao, hmâo laih 124 bôh sang anô̆ čơkă mă prăk djru hăng jao glăi lŏn kơ anom man pơkra jơlan, 13 bôh sang anô̆ dô̆ glăi akă tŭ ư ôh, jao lŏn pioh pơkra jơlan.

Abih bang lŏn mă mơ̆ng 13 bôh sang anô̆ mơnuih ƀôn sang ƀơi plơi Čư̆ Đ'hiắt, să Čư̆ Drăm lĕ giăm truh 8.000 m2, 13 bôh sang hnal kyâo hrŏm hăng sa dua ring bruă mă yua pơkon. Lŏn ƀơi anai lĕ lŏn rô̆ mă, lơm mă glăi ƀu hmâo pơpha anih dô̆ hơđong, pơ ala glăi lŏn mă yua ôh mơ̆, kơnong čơkă mă prăk djru rit đuăi sang dô̆ hăng kông ngăn ƀơi lŏn anun đôč. Tơdơi kơ pơsur, 13 bôh sang anô̆ mơnuih ƀôn sang hmâo tŭ ư, čơkă mă prăk djru rit đuăi sang dô̆ (giăm truh 1,6 klai prăk) nao dô̆ pơ̆ anih dô̆ phrâo./.