Anih sĭ mơdrô gơnam tam ăt sĭ djop mơta mơn. Tui hơdôm anih sĭ mơdrô, thun anai mơnuih nao blơi gơnam lu biă mă dong mơng blan 11 hlâo anun, lu anih anom hơmâo blơi hơdôm phun hngo prong kiăng kơ dưm dăp lui hlâo, bơ hơdôm hrơi anai mơnuih ƀon sang nao blơi gơnam tol yol amăng sang anŏ.

Pơhmutu hăng thun hlâo, gơnam sĭ amăng bơyan No-el anai hơmâo lu gơnam hiam hloh, nua sĭ ăt pơplih tui hăng gơnam yua anun amuñ sĭ biă mă. Sa bơyan No-el dong ƀiă truh laih, mơnuih ƀon sang ƀơi Dak Lak hlơi hlơi lêng kơ hok mơ-ak prap lu djop mơta hlâo kơ hrơi čơkă khua yang adai tơkeng rai hăng tơlơi čang rơmang čơkă No-el mơ-ak mơ-ai, hiam drơi jăn pran jua mơng abih bang mơnuih.