Tal jơnum hmâo pel ĕp, lăng glăi hơdôm tơlơi pơtrun pơsit yôm phăn kah hăng: Pơplih pơkra, pơpha kơčăo bruă tuh pơplai bruă hrom; djru bruă ngă đang hmua gah Jơlan hơdră pơkă mơng lŏn ia hrŏ trun ƀun rin kơjăp; lui hĭ anăn bruă hơdôm rơwang bruă kiăng mă glăi lŏn hăng hơdôm rơwang bruă tuh pơplai kiăng pơplih bôh than mă yua ngă hmua pơdai, lŏn dlai pơgang hlôm hlâo hơdai nao ngă bruă pơkon... Tui hăng ơi Trần Đức Quận, Khua git gai Ping gah tơring čar, Khua Khul pơ ala mơnuih ƀôn sang tơring čar Lâm Đồng, anai lĕ hơdôm bôh yôm phăn kiăng tơring čar ngă tui ba glăi bôh tơhnal hơdôm bruă jao, tơhnal ba tơbiă. 

Ăt amăng tal jơnum mơn, Khul pơ ala mơnuih ƀôn sang tơring čar Lâm Đồng pơphun pel ĕp bruă mơnuih apăn bruă. Kiăo tui anun, ơi Nguyễn Khắc Bình – Khua git gai Ping gah tơring glông, Khua Khul pơ ala mơnuih ƀôn sang tơring glông Cát Tiên dưi ruah ngă Kơ-iăng Khua pơ ala mơnuih ƀôn sang tơring čar Lâm Đồng tal 10, rơwang bruă 2021-2026; ơi Nguyễn Ngọc Phúc – Khua git gai Ping gah tơring glông Đức Trọng dưi ruah ngă Kơ-iăng Khua Jơnum min mơnuih ƀôn sang tơring čar Lâm Đồng./.